स्रोत नखुलेको २० लाख रकम सहित न्यूरोडबाट एक पक्राउ
काठमाडौं, ९ साउन । स्रोत नखुलेको करिब २० लाख रुपैयाँ सहित एक व्यक्ति काठमाडौंको न्यूनरोडबाट पक्राउ परेका छन् । नेपाल प्रहरीको अपराध महाशाखाको टोलीले काठमाडौं महानगरपालिका २४ विशाल बजारबाट ढुन्डीराज न्यौपानेलाई पक्राउ गरेको हो ।
प्रहरीका अनुसार उनको साथबाट १९ लाख ९१ हजार रुपैयाँ बरामद गरिएको छ । यसबारेमा थप अनुसन्धान भइरहेको बताइएको छ ।
