सांग्रिला डेभलपमेन्ट बैंकका ऋणीलाई साउन महिनाको ब्याजमा २० प्रतिशत छुट

काठमाडौं, १६ साउन । सांग्रिला डेभलपमेन्ट बैंक लिमिटेडले कोभिड–१९ महामारीबाट प्रभावित ऋणीहरुलाई साउन महिनाको ब्याज रकममा २०% छुट दिने भएको छट । बैंकका सेवाग्राही (ऋणी)ले २०७७ असार मसान्तसम्ममा चुक्ता भुक्तान गर्न बाँकी रहेको सम्पूर्ण साँवा र ब्याज रकम श्रावण मसान्तसम्म भुक्तानी गरेमा साउनको ब्याज रकममा २० प्रतिशत छुट हुने व्यवस्था गरिएको बैंकले जानकारी दिएको छ ।
बैंकले ब्याज रकममा प्रदान गर्ने यस छुटले ऋणीहरुलाई हालको विषम परिस्थितिमा केही सहयोग पुग्ने अपेक्षा बैंकले गरेको छ । मुलुकभर ९१ शाखा कार्यालयहरु, ३० एटिएमका साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको अभ्यासलाई यस बैंकले पालना गर्दै आएको बैंकद्वारा जारी विज्ञप्तिमा भनिएको छ ।