हङ्गकङ्गमा रहेका नेपालीहरुले अब सनराइज बैंकबाट नेपाल पैसा पठाउन सक्ने
काठमाडौं, १६ साउन । सनराइज बैंक र हङ्गकङ्गको एटि सर्भिसबीच अनलाइन रेमिट्यान्स सेवा सम्वन्धी सम्झौता भएको छ। उक्त सम्झौता अनुसार हङ्गकङ्गमा रहेका नेपालीहरुले नेपालमा पैसा पठाउन अझ सरल र सुलभ हुने बताइएको छ।
एटि सर्भिस मार्फत पैसा पठाउदा तुलनात्मक अधिक्तम उच्च विनिमय दरमा रकम पठाउन सकिने व्यवस्था गरेको बैंकले जनाएको छ । हङ्गकङ्गबाट नेपालमा पठाएको पैसा केही मिनेटमै सनराइज बैंकको देशभर रहेका १ सय ३४ शाखाहरु र १० वटा विस्तारित काउन्टर तथा बैंकका देशभरी छरिएका १० हजार भन्दा बढी एजेन्ट सञ्जाल मार्फत सजिलै भक्तानी लिन सकिनेछ ।
साथै बैंक खातावालाको हकमा भने, यो सेवा सनराइज बैंकको खातामा मात्र सिमित नभइ देशका अरु विभिन्न वाणिज्य र विकास बैंकहरुको खाताहरुमा समेत तुरुन्तै रकम जम्मा गर्न सकिने व्यवस्था मिलाइएको बैंकले जारी गरेको विज्ञप्तीमा उल्लेख छ ।
