नेपालमा पछिल्लो २४ घण्टामा ३६० जना कोरोना संक्रमित थपिए, २३३ जना डिस्चार्ज, मूल्यु हुनेको संख्या ६५ पुग्यो
काठमाडौं, २२ साउन । नेपालमा पछिल्लो २४ घण्टामा थप ३६० जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको बिहीबारको पत्रकार सम्मेलनमा प्रवक्ता डा. जागेश्वर गौतमले थप ३६० जनामा कोरोना संक्रमण पुष्टि भएको जानकारी दिएका हुन् ।
उनका अनुसार पछिल्लो २४ घन्टामा २३३ जना कोरोना संक्रमित निको भएर घर फर्कीएका छन् । यो सँगै निको हुनेको संख्या १५ हजार ३८९ जना पुगेको छ । त्यस्तै कोरोना भाइरसको संक्रमणबाट हालसम्म ६५ जनाको मृत्यु भइसकेको छ ।
नेपालमा कुल संक्रमितको संख्या २१ हजार ७५० पुगेको छ । तर, अहिले ६ हजार २९६ जना मात्र आइसोलेसनमा छन् । क्वारेटाइनमा ९ हजार ४७० जना रहेको मन्त्रालयले जनाएको छ । त्यसैगरी काठमाडौं उपत्यकामा जोखिम बढ्दै गएकोले स्वास्थ्य मन्त्रालयले तोकेका मापदण्ड पालना गनुका साथै भिडभाड गरेर गोष्ठि र कार्यक्रम नगर्न प्रवक्ता गौतमले अनुरोध गरे ।
