मुक्तिनाथ विकास बैंकका ग्राहकलाई विभिन्न कम्पनीका सेवामा १५ प्रतिशत छुट
काठमाडौं, २७ साउन । मुक्तिनाथ विकास बैंक लिमिटेडले विभिन्न कम्पनीहरुसँग सहकार्य गरी ग्राहकलाई ती कम्पनीका सेवामा छुट हुने व्यवस्था गरेको छ । उक्त योजनामा बैंकले नेप्मेड्स अनलाइन फार्मेसी, इजी केयर अनलाइन फार्मेसी, आल्मा आर्टस र बाजेको सेकुवासँग सहकार्य गरेको हो ।
सम्झौतापश्चात बैंकका भिषा डेविट कार्ड वाहक तथा मोवाईल बैंकिङ्ग प्रयोगकर्ता ग्राहकहरूले माथि उल्लेखित कम्पनीहरुबाट सेवा सुविधालिदा १५ प्रतिशतसम्म छुट पाउने छन् ।
त्यस्तै बैंकले व्यालेन्स सर्टिफिकेट, चेक बुक, गुड फर पेमेण्ट चेक जारी शूल्क र अन्तरशाखा बैंकिङ्ग कारोबार सेवा निःशुल्क गरेकोे छ । साथै बैंकका ग्राहकले भिसा नेटवर्कअन्तर्गत जुन सुकै बैंकको एटीएमबाट निःशुल्क रकम झिक्न सक्ने व्यवस्था गरेको बैंकका सुचना अधिकारी तिलबहादुर गुरुङ्गले बताए ।
