एनआईसी एशिया बैंकको २३ औं साधारण सभा मंसिर २१ गते
काठमाडौं, २७ कात्तिक । एनआईसी एशिया बैंकले मंसिर २१ गते २३ औं वार्षिक साधारण सभा आह्वान गरेको छ। बैंकले उक्त साधारण सभाबाट यो वर्ष घोषणा गरेको २० प्रतिशत लाभांश प्रस्ताव पेश गरिने छ ।
बैंकको सञ्चालक समितिको बैठकले गत आर्थिक वर्ष २०७६–७७ को लागि १९ प्रतिशत बोनस शेयर र १ प्रतिशत नगद लाभांश दिने प्रस्ताव गरेको हो । उक्त प्रस्तावसहित गत आर्थिक वर्षको वार्षिक प्रतिवेदन पारित चालू आवको लागि लेखापरिक्षक नियुक्ती लगायतका विषय सभाले पारित गर्नेछ ।
सभा प्रयोजनका लागि कम्पनीले मंसिर १० गतेदेखि बुक क्लोज गर्ने भएको छ । बुक क्लोजको आधारमा मंसिर ९ गतेसम्म कायम शेयरधनीहरुले प्रस्तावित लाभांश प्राप्त गर्नेछन् ।
