युनाइटेड इदी मर्दीको आईपिओमा आवेदन खुला
काठमाडौं, ३ मंसिर । युनाइटेड इदी मर्दी एण्ड आर.वि. हाइड्रोपावरको आजबाट आईपिओ बिक्रि खुला गरेको छ । कम्पनीले सर्बसाधारणका लागि ८ लाख ७३ हजार ९ सय १० कित्ता शेयर निष्काशन गर्न लागेको हो ।
जस मध्ये ४३ हजार ६ सय ९६ कित्ता सामुहिक लगानी कोषहरुलाई र १७ हजार ४ सय ७८ कर्मचारीलाई छुट्याईएको छ । बाँकि रहेको ८ लाख १२ हजार ७ सय ३६ कित्ताको लागि सर्बसाधारणले आवेदन दिन सक्ने छन् ।
आईपीओमा सर्वसाधारणले न्युनतम १० कित्तादेखि १० हजार कित्तासम्मको लागि आवेदन दिन सक्नेछन् । आईपीओमा नेपाल धितोपत्र बोर्डबाट सि-आश्वा अनुमति प्राप्त सम्पूर्ण बैंक तथा वित्तीय संस्थाका साथै मेरो शेयरबाट मंसिर ७ गते आइतबारसम्म आवेदन दिन सकिन्छ ।
शेयर निष्काशनको लागि ग्लोबल आईएमई क्यापिटल बिक्रि प्रबन्धक रहेको छ ।
