कर्मचारी संचय कोषको कर्जा बैंक अफ काठमाण्डूको सबै शाखाबाट भुक्तानी गर्न सकिने
काठमाडौं, १० मंसिर । कर्मचारी संचय कोषबाट ग्राहकले लिएको कर्जा तथा सापटीको साँवा तथा ब्याज बैंक अफ काठमाण्डू लिमिटेडको सबै शाखा कार्यालयहरुबाट भुक्तानी गर्न सकिने भएको छ । कोषबाट जुनसुकै कर्जा वा सापटी लिएका ऋणीहरुले साँवा तथा ब्याज सहितको किस्ता रकम भुक्तानी गर्न कर्मचारी संचय कोषमा नगई बैंक अफ काठमाण्डूको जुनसुकै शाखा कार्यालयबाट भुक्तानी गर्न सक्नेछन् ।
यो सुबिधाले ग्राहकको समय बचत हुनुकासाथै बिना झन्झट सजिलै बैंकको शाखा कार्यालयबाट झुक्तानी गर्न सक्ने बैंकले जनाएको छ ।
बैंकले हाल ८९ शाखा कार्यालय, ७८ एटीएम र १० वटा एक्स्टेन्सन काउन्टरमार्फत सेवा दिँदै आएको छ ।
