एनएमबि लघुवित्तले २० प्रतिशत लाभांश दिने
काठमाडौं, १० मंसिर । एनएमबि लघुवित्त वित्तीय संस्थाले २० प्रतिशत लाभांश दिने घोषणा गरेको छ । कम्पनीको मंगलबार बसेको सञ्चालक समिति बैठकले हाल कायम रहेको चुक्तापूँजीको १९ प्रतिशत बोनस शेयर र कर प्रयोजनका लागि १ प्रतिशत नगद लाभांश दिने निर्णय गरेको हो ।
जसअनुसार कम्पनीले ८ करोड ६१ लाख ८७ हजार ३२५ रुपैयाँ बराबरको बोनस तथा ४५ लाख ३६ हजार १७५ रुपैयाँ नगद लाभांश बाँड्नेछ ।
प्रस्तावित लाभांश नेपाल राष्ट्र बैंक र आगामी वार्षिक साधारण सभाले अनुमोदन गरेपछि मात्र वितरण हुने एनएमबि लघुवित्तले जनाएको छ ।
