प्रभु लाइफको आइपीओ आजदेखि विक्री खुला
काठमाडौं, २९ मंसिर । प्रभु लाइफ इन्स्योरन्स कम्पनीको आईपीओ आजदेखि विक्री खुला भएको छ। कम्पनीले ६० करोड रुपैयाँ बराबरको ६० लाख कित्ता आईपीओ विक्री खुला गरेको हो ।
सर्वसाधारणका लागि छुट्याइएको कुल कित्तामध्ये ५ प्रतिशत कम्पनीको कर्मचारीहरुका लागि र ५ प्रतिशत सामुहिक लगानी कोषका लागि छुट्इयाएको छ । ५४ लाख कित्तामा सर्वसाधारणले आवेदन दिन सक्नेछन् ।
हाल कम्पनीमा संस्थापक तर्फको १ अर्ब ४० करोड रुपैयाँ चुक्तापूँजी रहेको छ । जीवन बीमा कम्पनीहरुले कायम गर्नुपर्ने २ अर्ब रुपैयाँ पूँजी पुर्याउन सर्वसाधारणमा आईपीओ विक्री गरिएको हो ।
आइपीओ पुस २ गते र ढिलोमा पुस १३ गतेसम्म विक्रीमा रहने छ । आईपीओमा न्यूनतम १० कित्तादेखि अधिकतम ५ हजार कित्तासम्म आवेदन दिन सकिनेछ । आईपीओको विक्री प्रबन्धकमा सिद्धार्थ क्यापिटल रहेको छ ।
