पाकिस्तानी प्रधानमन्त्री स्वदेश फर्किएपनि काठमाडौंका सडकमा फहराइ रहेका छन् पाकिस्तानी झन्डा
काठमाडौं, २३ फागुन । पाकिस्तानी प्रधानमन्त्री साहिद खाकन अब्बासी दुई दिने नेपाल भ्रमण सकेर हिजो अपरान्ह स्वदेश फर्किए । प्रधानमन्त्री अब्बासी स्वदेश फर्किएको २४ घण्टा भन्दा बढी समय वित्तिसक्दा पनि उनको स्वागतार्थ काठमाडौंका सडकका पोलहरुमा राखिएका पाकिस्तानी झन्डाहरु फहराइ रहेका छन् ।
सामान्यतय अन्य देशका प्रधानमन्त्री एवं राष्ट्रप्रमुखहरु नेपालको भ्रमणमा आउँदा उनी हिड्ने सडकमा गेट एवं दुई देशको फन्डा राख्ने गरिन्छ । तर भ्रमण सकेर स्वदेश फर्किएको हप्तौ सम्म पनि बिदेशी झन्डा फहराई रहने गरेको पाइन्छ । उपल्लो तहको आदेश पालना गर्दै हतार हतार झन्डा राखेपनि निकाल्नका लागि भने सम्बन्धित निकायले खासै चासो दिने गरेका छैनन् ।
काठमाडौंको मुख्य सडकहरु दरबारमार्ग, कान्तिपथ, लाजिम्पाट जस्ता सडकमा अहिले पनि पाकिस्थानी झन्डा फहराई रहेको भन्दै स्थानीयले प्रधानमन्त्रीदे भ्रमण सकेर गइसकेको कारण तत्काल विदेश झन्डा निकाल्न सरकारको ध्यानाकर्षण गराएका छन् ।
