महासंघका पूर्व अध्यक्षहरुलाई विभिन्न समितिको जिम्मेवारी, विद्यान संशोधन समितिमा जोशी
काठमाडौं, १५ माघ । नेपाल उद्योग वाणिज्य महासंघले पूर्व अध्यक्षहरूलाई विभिन्न जिम्मेवारी दिएको छ । महासंघलाई आजको अवस्थासम्म ल्याई पु¥याउन निर्वाह गरेको भूमिकाको उच्च मूल्यांकन गर्दै जिम्मेवारी दिएको जनाएको छ।
निवर्तमान अध्यक्ष भवानी राणालाई सदस्यता समिति र नेपाल–भारत बिजनेश फोरमको जिम्मेवारी दिइएको छ। पूर्वअध्यक्ष महेशलाल प्रधानलाई सल्लाकार समिति, पद्य ज्योतीलाई व्यवायीक आचार संहिता फोरमको जिम्मेवारी दिएको छ । त्यस्तै प्रदीपकुमार श्रेष्ठलाई एसिया प्यासिफिक चेम्बर अफ कमर्स एन्ड इन्डष्ट्रिज, बिनोद बहादुर श्रेष्ठलाई नेपाल–चीन नन् गभर्नरमेन्ट को–अपरेसन फोरम, रविभक्त श्रेष्ठलाई अनुशासन समिति, कुशकुमार जोशलाई विधान संशोधन समिति र सुरज बैद्यलाई अन्तर्राष्ट्रिय फोरमको जिम्मेवारी दिएको छ।
महासंघका अध्यक्ष शेखर गोल्छाले उनीहरुलाई जिम्मेवारीको पत्र हस्तान्तरण गर्दै वर्तमान कार्यकारिणी समितिलाई पूर्व अध्यक्षबाट महत्वपूर्ण सल्लाह, सुझाव र सहयोग प्राप्त हुने विश्वास व्यक्त गरे ।
