सार्वजनिक स्थानमा अब पाँच जनाभन्दा बढी भेला हुन नपाइने
काठमाडौं, ६ वैशाख । कोभिड संक्रमण नियन्त्रणका लागि सरकारले सार्जवनिक स्थानमा पाँच जनाभन्दा बढी भेला हुन प्रतिबन्ध लगाएको छ । सोमवार बिहान बसेको मन्त्रिपरिषद् बैठकले जारी गरेको ‘नयाँ भेरियन्ट सहितको कोरोना महामारी नियन्त्रण रोकथाम आदेश’मा सार्वजनिक स्थानमा ५ जनाभन्दा बढी भेला हुन नपाउने उल्लेख छ ।
यो आदेशअनुसार वैशाखभर पार्टी प्यालेसहरू बन्द हुनेछन् भने विवाह, ब्रतबन्ध, मलामीजस्ता कार्यमा २५ जनाभन्दा बढी सहभागी हुन पनि रोक लगाएको छ ।
