एनआईबिएल समृद्धि फण्ड–२ को ५४ प्रतिशत इकाइ पहिलो दिनमै विक्री
काठमाडौं, १४ वैशाख । एनआईबिएल एस क्यापिटलले बिक्रीमाल्याएको एनआईबिएल समृद्धि फण्ड–२ को इकाइका लागि पहिलो दिनमै उत्साहप्रद रुपमा आवेदन परेको छ । कुल इकाइको ५३.४४ प्रतिशतका लागि आवेदन भइसकेको क्यापिटलले जनाएको छ ।
क्यापिटलले बैशाख १३ गतेदेखि प्रतिइकाइ १० रुपैयाँ अंकित दरमा १ अर्ब २ करोड रुपैयाँ बराबरको १२ करोड इकाइ विक्रीमा ल्याएको हो । फण्डले १५ प्रतिशतइकाई कोष प्रवर्धक नेपाल इन्भेष्टमेण्ट बैंकलाई सुरक्षित गरी बाँकी रहेको इकाइ सर्वसाधारणलाई विक्री गर्न लागेको हो । उक्त फण्डमा न्यूनतम १०० देखि १ करोड २० लाख इकाइसम्म आवेदन दिन पाउने व्यवस्था रहेको छ । इकाइ खरीदका लागि आवेदन दिन छिटोमा वैशाख १६ गतेसम्म रहेको क्यापिटलले जनाएको छ ।
