सुनचाँदीको मूल्यमा फेरी बृद्धि

काठमाडौं, ७ असार । आज सुनको मूल्यमा बृद्धि भएको छ। पछिल्लो एकसाता निरन्तर घटेको सुनको मूल्य आज तोलाको चार सय रुपैयाँले बढेको छ । नेपाल सुनचाँदी व्यवसायी महासंघका अनुसार आज सुन प्रतितोला ९० हजार चार सय रुपैयाँ कायम भएको छ ।

गतसोमबार सुनको मूल्य तोलाको ९३ हजार दुई सय रुपैयाँ थियो ।

यस्तै आज चाँदीको मूल्य पनि पाँच रुपैयाँ बढेको छ । महासंघका अनुसार आज चाँदी तोलाको १२ सय ९५ रुपैयाँमा कारोबार भइरहेको छ । महासंघका अनुसार वैशाख १६ देखि जारी निषेधाज्ञाका कारण सुनको कारोबार ठप्प छ । बिवाहको समयमा समेत पसल खोल्न नपाएका कारण कारोबार खासै नभएको व्यवसायीको गुनासो छ ।