आइतबार नेप्से परिसूचक ४९ अंकले घटेर बन्द, साढे १५ अर्बभन्दा बढीको शेयर कारोबार
काठमाडौं, १३ भदौ । साताको पहिलो कारोबार दिन नेप्से परिसूचक ४९.१८ अंकले घटेको छ । आज १.५९ प्रतिशतले घटेर परिसूचक ३०४५.२० विन्दुमा रोकिएको हो । आज कारोबारमा आएका १३ समूहमध्ये फाइनान्स समूहको मात्र परिसूचक वृद्धि भएको छ भने बाँकी समूहको परिसूचक घटेको छ ।
आज २२७ कम्पनीको २ करोड ४८ लाख ८८ हजारभन्दा बढी कित्ता शेयर १५ अर्ब ६५ करोड १२ लाख ४४ हजार रुपैयाँमा खरिद विक्री भएको छ । नारायणी डेभलपमेन्ट बैंक लिमिटेडर खानिखोला हाइड्रोपावर कम्पनीको शेयर मूल्य १० प्रतिशतले वृद्धि भएको छ । नारायणी डेभलपमेन्ट बैंकको शेयर मूल्य आज प्रतिकित्ता १०३.४० रुपैयाँ वृद्धि भएर १ हजार १३७.४० रुपैयाँ पुगेको छ । त्यस्तै खानिखोलाको शेयर मूल्य पनि ३९.३० रुपैयाँ वृद्धि भएर ४३२.३० रुपैयाँ पुगेको छ ।
रु रु जलविद्युत परियोजना लिमिटेडको शेयर मूल्य १० प्रतिशतले घटेको छ । त्यस्तै सिगटी हाइड्रो इनर्जी लिमिटेडको पनि शेयर मूल्य ७ प्रतिशतले घटेको छ ।
आज अरुण भ्याल्ल हाइड्रोपावर डेभलपमेन्ट कम्पनी लिमिटेडको सर्वाधिक मूल्यको शेयर खरिद विक्री भएको छ । यो कम्पनीको १ अर्ब ३१ करोड ८३ लाख रुपैयाँभन्दा बढीको शेयर खरिद विक्री भएको छ ।
