एनएमबि हाईब्रिड फण्ड एल–१ को गत आर्थिक वर्षको नाफा ६२ करोडभन्दा बढी

काठमाडौं, १५ भदौ । एनएमबि म्युचुअल फण्डअन्तर्गत सञ्चालन भैरहेको एनएमबि हाईब्रिड फण्ड एल– १ ले गत आर्थिक वर्ष ०७७÷७८ सम्ममा ६२ करोड ८ लाख रुपैयाँभन्दा बढी नाफा गरेको छ । यो नाफा अघिल्लो वर्षको सोही अवधिसम्म १४ करोड ६८ लाख ७३ हजार रुपैयाँ थियो । नाफामा उल्लेख्य बृद्धि भएको यस योजनाले गत वर्ष ६४ करोड ६२ लाख रुपैयाँभन्दा बढी आम्दानी गर्दा २ करोड ५३ लाख रुपैयाँभन्दा बढी खर्च गरेको छ । अघिल्लो वर्ष योजनाले १६ करोड ७४ लाख भन्दा बढी जम्मा आम्दानी गरेको थियो भने २ करोड ५ लाखभन्दाबढी जम्मा खर्च गरेको थियो ।

अघिल्लो वर्ष ११.४८ रुपैयाँ रहेको योजनाको प्रतिइकाई खुद सम्पत्ति मूल्य गत वर्ष १६.८९ रुपैयाँ कायम भएको छ । योजनाको पूँजी १ अर्ब रहेको छ ।