बेष्ट फाइनान्सको साधारण सभा सम्पन्न, साधारण सभाको निर्णय सिनर्जी फाइनान्सलाई प्राप्त गर्ने
काठमाडौं, २५ चैत्र । बेष्ट फाईनान्स कम्पनी लिमिटेडको २१औं वार्षिक साधारणसभा सम्पन्न भएको छ । उक्त साधारणसभाले सिनर्जी फाइनान्सलाई १ कित्ता बराबर बेष्ट फाइनान्स कम्पनी लिमिटेडको १ कित्ताको शेयर रेसियो निर्धारण गरी प्राप्ती गर्ने निर्णय गरेको छ । नेपाल राष्ट्र बैंकले ग बर्गका वित्तीय संस्थाको चुक्ता पूँजी ८० करोड पु¥याउन दिएको निर्देशन बमोजिम यस संस्थाको चुक्ता पुँजी प्राप्ती पश्चात ८९ करोड ०५ लाख रुपैयाँ पुग्ने बताएको छ ।
प्राप्ती पश्चात कम्पनीको नाम बेष्ट फाइनान्स कम्पनी लिमिटेड रहने र केन्द्रिय कार्यालय हाल सिनर्जी फाईनान्स कम्पनीको कर्पोरेट कार्यालय रहेको भवन कमलादी काठमाडौंमा रहनेछ । संयुक्त रुपमा कारोबार हेर्दा चैत्र २१ गतेसम्मको तथ्याङ्क अनुसार कुल निक्षेप २ अर्व ११ करोड ६० लाख रुपैयाँ, कुल कर्जा १ अर्व ८३ करोड ५९ लाख रुपैयाँ, कुल शाखा संख्या १४ रहने देखिन्छ । साथै सिनर्जी फाइनान्सको साधारण सभा पनि बेष्ट फाइनान्समा गाभ्नको लागि निर्णय पारित गरि सम्पन्न भएकोे जानकारी दिइएको छ ।
