नेपाली महिला आरोही पूर्णिमाले पहिलो पटक धवलागिरिको सफल आरोहण गरिन
काठमाडौं, १५ असोज । ८ हजार १ सय ६७ मिटर अग्लो धवलागिरि हिमालको पहिलोपटक नेपाली महिलाले सफल आरोहण गरेकी छिन् । धवलागिरि गाउँपालिका–४ मा पर्ने उक्त हिमालको पूर्णिमा श्रेष्ठले सफल आरोहण गरेकी हुन् ।
काठमाडौंको सेभेन समिट ट्रेकिङ कम्पनीमार्फत श्रेष्ठ यही असोज २ गते मुस्ताङको मार्फा हुँदै पैदलमार्ग भएर धवलागिरि हिमाल आरोहणमा गएकी थिइन् । सेभेन समिट ट्रेकिङका सञ्चालक मिङ्मा शेर्पाले पूर्णिमासहित आफ्नो कम्पनीका २० जनाले आज बिहान ५ः०० बजे धवलागिरिको सफल आरोहण गरेका जानकारी दिए ।
श्रेष्ठसँगै गएकी माया शेर्पालगायतले भने आरोहण गरे–नगरेको पुष्टि हुन बाँकी रहेको जनाइएको छ।
