पुष्प प्रदर्शनी मेलामा ७५ लाखको कारोबार हुने अनुमान
ललितपुरको जावलाखेलमा २३ औं फ्लोरा एक्स्पो सुरु भएको छ ।
पुष्प व्यवसायको प्रबद्र्धन, विकास र विस्तार गर्ने उद्देश्यसहित मेला हुन् लागेको हो । फ्लोरिकल्चर एशोसिएसन नेपाल(फ्यान)को आयोजनामा ‘स्वच्छ वातावरण तथा आर्थिक समृद्धिका लागि पुष्प व्यवसाय’ प्रदर्शनी सुरु भएको हो ।
पुष्प व्यवसायको प्रवद्र्धन र बजार विस्तार गर्ने उद्देश्का साथ लामो समय देखि पुष्प प्रर्दशनी हुँदै आएको छ । मेलामा ६२ वटा स्टल राखिएको छ । मेलामा मौसमी फूल, आलंकारिक बोट विरुवा, कट फ्लावर, ड्राइफ्लावर, सुनाखरी, कम्पोष्ट मल, फूलको गानो, बीउविजन, ग्रीनहाउस, कृषि औजार, उपकरण,प्याकेजिङका सामग्री, थोपा सिँचाइ प्रविधि, आधुनिक खेति प्रविधि र जैविक विषादीका प्रर्दनीशी तथा बिक्री कक्ष राखिएको छ । मेलामा सहभागि भएका विभिन्न पुष्प व्यवसायीहरूद्धारा उत्पादित फूल विरुवाहरू बीच स्वच्छ प्रतिस्पर्धा गराई पुरस्कृत गरिने छ ।
चार दिन सम्म हुने मेलामा ४५ हजारले अवलोकन गर्ने र ७५ लाख रुपेैयाँ बराबरको कारोबार हुने मेला संयोजक शिवबहादुर खड्काले जानकारी दिए । कोभिडको कारणले कारोबारमा कमी आएको उनले जानकारी दिए । उनका अनुसार आर्थिक वर्ष २०७६–७७ मा २ अर्ब १५ करोडको कारोबार भएकोमा भएकोमा कोभिडको कारणले ०७७–०७८मा कारोबार घटेर १ अर्ब ६३ झरेको छ । मुलुकमा ४३ जिल्लाका १ सय २० हेक्टर क्षेत्रफलमा पुष्प व्यवसाय गरिँदै आएको छ ।
पुष्प व्यवसायमा ९१ प्रतिशत आत्मनिर्भर भएको व्यवसायीको भनाइ छ । मेला सुरुको पहिलो दिनैमा अवलोकनकर्ताको भीडभाड लागेको थियो । एकै ठाउँमा सबै प्रकारका फूलका विरुवासँगै, मल, बीउ पाइने भएकाले पनि ग्राहकको आकर्षण बढी हुने गरेको आयोजको भनाइ छ ।
