हिमाल आरोहणका लागि १०४ वटा टीमका ८४४ जनाले लिए अनुमति
काठमाडौं, ११ वैशाख । यस वर्षको स्प्रिङ सिजनमा हिमाल आरोहणका लागि ८४४ जनाले अनुमति लिएका छन्।
पर्यटन विभागका अनुसार १०४ वटा टीमका ६५८ जना पुरुष र १८६ जना महिला गरी कुल ८४४ जनाले हिमाल आरोहणका लागि अनुमति लिएका हुन् । जसमध्ये सबैभन्दा धेरै सगरमाथाका लागि ३०२ जना र लोत्से आरोहणका लागि १०३ जनाले अनुमति लिएका विभागको तथ्यांकमा उल्लेख छ ।
हिमाल आरोहणको अनुमति दिएवापत विभागले ४४ करोड ६४ लाख १८ हजार ६६ रुपैयाँ संकलन गरेको छ ।
