श्री एयरलाइन्सको जहाजको इन्जिन फेल, काठमाडौंमा आकस्मिक अवतरण
काठमाडौं, २८ वैशाख । काठमाडौंबाट धनगढीका लागि उडेको श्री एयरलाइन्सको जहाजको इन्जिन फेल भएपछि काठमाडौंमै फर्काएर आकस्मिक अवतरण गराइएको छ ।
धनगढी गइरहेको अवस्थामा जहाजको इन्जिन फेल भएपछि जहाज त्रिभुवन विमानस्थलमा आकस्मिक अवतरण गरिएको हो ।
जहाज ८० जना यात्रु लिएर उडेको थियो । जहाज क्याप्टेन बी. राजवंशीले उडाइरहेका थिए ।
त्रिभुवन अन्तर्राष्ट्रिय विमानस्थल कार्यालयका प्रवक्ता टेकनाथ सिटौलाका अनुसार काठमाडौंबाट उडेर १३ माइलमा पुगेपछि बायाँ इन्जिनमा समस्या आयो । त्यसपछि त्यो इन्जिन सर्ट डाउन गरेर काठमाडौंमा अवतरण गरिएको हो ।
