सन् २०२२ मा विश्वको आर्थिक वृद्धिदर ३.२ प्रतिशतमा सीमित रहने

काठमाडौं, १३ साउन । सन् २०२२ को सु?का महिनामा विश्व अर्थतन्त्रमा सुधारका केही संकेत देखिए पनि त्यसपछिका महिनामा भने जोखिम देखिन थालेको अन्तरराष्ट्रिय मुद्रा कोषले बताएको छ । ययसँगै समग्रमा सन् २०२२ मा विश्वको अर्थतन्त्रको वृद्धिदर ३.२ प्रतिशतमा सीमित रहने कोषले प्रक्षेपण गरेको छ ।

कोषले मङ्गलबार सार्वजनिक गरेको संशोधित ‘वल्र्ड इकोनोमिक आउटलुक’ प्रतिवेदनले विश्व अर्थतन्त्र अनिश्चिततातर्फ धकेलिएको उल्लेख गरेको हो । खासगरी चीन र ?समा आएको मन्दीबाट उत्पादनमा संकुचन आएको र विश्वका ठूला अर्थतन्त्रले उच्च मुद्रास्फीति सामना गरिरहनुपरेकाले पनि विश्व अर्थतन्त्रमा समस्या देखिन थालेको आईएमएफको प्रतिवेदनमा उल्लेख छ । ?स र युक्रेनबीचको युद्धका नकारात्मक असरबाट पनि विश्व अर्थतन्त्र प्रभावित बनेको जनाइएको छ ।
कोभिड महामारीबाट ठूलो क्षति बेहोरेर तंग्रिने प्रयत्नमा रहेको विश्व अर्थतन्त्रका लागि पछिल्लो परिवेश सहज नरहेको पनि प्रतिवेदनमा उल्लेख छ ।

यस वर्षको सु?वातमै न्यून वृद्धि, घट्दो क्रयशक्ति र कसिलो मौद्रिक नीतिका कारण संयुक्त राज्य अमेरिकाको वृद्धिदर नै १.४ प्रतिशत बिन्दु तल झरेको प्रतिवेदनमा उल्लेख छ । त्यस्तै कोरोना सङ्क्रमण नियन्त्रणका लागि जारी गरिएको बन्दाबन्दी र घरजग्गा कारोबारमा छाएको मन्दीले गर्दा चीनले पनि आफ्नो वृद्धिदरलाई १.१ प्रतिशतले संशोधन गरेको छ ।