झिनाे अङ्कले बढ्याे नेप्से परिसूचक, एक अर्ब १३ करोडकाे कारोबार
काठमाडाैं, ३० फागुन । मंगलबार सेयर बजार मापक नेप्से परिसूचक झिनाे अंकले बढेकाे छ । आज १.८५ अंकले बढेको नेप्से परिसूचक १ हजार ९ सय ५३ विन्दुमा पुगेकाे हाे ।
आज काराेबार रकम समेत घटेकाे छ । यसदिन एक अर्ब १३ करोड रूपैयाँको कारोबार भएको हो। आज कारोबार भएका १२६ कम्पनीको शेयरमूल्य बढेको छ भने ७८ कम्पनीकोे शेयरमूल्य घटेको छ । यसका साथै १० कम्पनीको शेयरमूल्य स्थिर रहेको छ ।
नेप्सेका अनुसार दुई कम्पनीको शेयरमूल्यमा उच्च वृद्धि भएको छ । आज युनिक नेपाल लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता १३२५.९० रुपैयाँ पुगेको छ भने शुभम पावर कम्पनीको शेयरमूल्य ९.९८ प्रतिशतले बढेर प्रतिकित्ता ४२६.५० रुपैयाँ पुगेको छ ।
नेप्सेका अनुसार एनआइसी एसिया ब्यालेन्स फण्डका लगानीकर्ताहरुले सर्वाधिक गुमाएका छन् । यसको शेयरमूल्य ५ प्रतिशत भन्दा बढीले घटेको छ । त्यस्तै, कारोबारको आधारमा आज सबैभन्दा बढी एनआइसी एशिया बैंकको भएको छ । यस कम्पनीको आज १० करोड ३७ लाख भन्दा बढीको कारोबार भएको छ ।
