ताेलामा १२ सय रूपैयाँले घट्यो सुनको मूल्य, चाँदीको स्थिर
काठमाडौं, २४ वैशाख । आइतबार नेपाली बजारमा सुनकाे मूल्य घटेकाे छ । आज सुनकाे मूल्य ताेलामा १२ सय रुपैयाँले घटेकाे नेपाल सुनचाँदी व्यवसायी महासंघले जनाएकाे छ ।
आज छापावाल सुन १२ सय रुपैयाँले घटेर तोलामा एक लाख १० हजार छ सय रुपैयाँ कायम भएको छ । अघिल्लो कारोबारका दिन बिहीबार मात्रै आजसम्मकै उच्च एक लाख ११ हजार आठ रुपैयाँमा कारोबार भएको थियो ।
यस्तै तेजावी सुनकाे मूल्य आजका लागि प्रतिताेला १ लाख १० हजार ५० रूपैयाँ निर्धारण भएकाे छ ।
त्यस्तै आज चाँदीकाे मूल्य भने स्थिर रहेकाे छ । चाँदी ताेलामा एक हजार चार सय ४५ रुपैयाँमा काराेबार भइरहेकाे महासंघले जनाएको छ ।
