५० लाखसम्मको शेयर धितो कर्जामा १०० प्रतिशत जोखिम भार
काठमाडौं, १३ साउन । नेपाल राष्ट्र बैंकले हाल २५ लाखसम्मलाई १०० प्रतिशतमा गणना गर्दै आएको शेयर धितोकर्जाको जोखिमभारको सीमा ५० लाख बनाएको छ । राष्ट्र बैंकले शुक्रबार एक निर्देशन जारी गर्दै यो व्यवस्था गरेको हो ।
गत आइतबार राष्ट्र बैंकले मौद्रिक नीति २०८०/०८१ सार्वजनिक गर्दै शेयर धितोकर्जाको जोखिमभारमा केही हेरफेर गर्ने भनेको थियो ।
अहिले पनि ५० लाखभन्दा माथिको यस्तो कर्जामा १५० प्रतिशत जोखिम भार कायम गर्नुपर्ने व्यवस्था भने यथावत छ। राष्ट्र बैंकले मौद्रिक नीति बमोजिम शुक्रबार सर्कुलर जारी गरेको छ।
