प्रतितोला ५०० रुपैयाँले घट्यो सुनको मूल्य
काठमाडौं, ५ चैत । नेपाली बजारमा सोमबार सुनचाँदीको मूल्य घटेको छ । सुन आइतबारको तुलनामा प्रतितोला ५०० रुपैयाँले र चाँदी प्रतितोला १० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख २४ हजार ५०० र तेजावी सुन प्रतितोला १ लाख २३ हजार ९०० रुपैयाँमा कारोबार भइरहेको छ ।
त्यस्तै, चाँदी प्रतितोला १ हजार ५२० रुपैयाँमा कारोबार भइरहेको महासंघले जनाएको छ ।
