यी हुन् झिनाे अंकले बढेकाे बजारमा सर्वाधिक कमाउने १० कम्पनी
काठमाडाैं, २४ साउन । बिहीबार नेप्से परिसूचक ६.७० अंकले बढेको छ। दिनभर उतारचढाव भएको नेप्से परिसूचकले बिहान ११ बजेर २४ मिनेटमा २८ सयको बिन्दु पार गरेको थियो ।
आज अन्तिममा शुन्य दशमलव २४ प्रतिशतले घटेकाे शेयर बजार दुई हजार सात सय ६६ दशमलव ३८ विन्दुमा पुगेको छ ।
आज काराेबार रकम पनि बढेकाे छ । यसदिन ३ सय २२ वटा कम्पनीका ५ करोड ९ लाख कित्ता शेयर २० अर्ब ७ करोड रुपैयाँमा कारोबार भएको छ ।हिजो ३ सय ३० वटा कम्पनीका तीन करोड ८० लाख कित्ता शेयर १७ अर्ब ९५ करोड रुपैयाँमा किनबेच भएको थियो ।
आज कर्णाली विकास बैंक, शिवम् सिमेन्ट्स, घोराही सिमेन्ट इन्डस्ट्री, मिड सोलु हाइड्रोपावर, सोनापुर मिनरल्स एन्ड आयल र सर्वोत्तम सिमेन्टको शेयर १० प्रतिशतले बढेको छ ।
यस्तै कुथेली बुखारी स्मल हाइड्रोपावर, विशाल बजार कम्पनी र मन्दाकिनी हाइड्रोपावरको सेयर मूल्य ९ प्रतिशतभन्दा बढीले बढेको छ ।
