कृषि विकास बैंकको सञ्चालकमा दीर्घराज मैनाली
काठमाडाैं, २६ भदाै । अर्थ मन्त्रालयका सह–सचिव दीर्घराज मैनाली कृषि विकास बैंकको सञ्चालकमा नियुक्त भएका छन् ।
उपप्रधान तथा अर्थमन्त्री विष्णुप्रसाद पौडेलले भदौ २० गते मैनालीलाई बैंकको सञ्चालक समिति सदस्यमा नियुक्त गरेका हुन् ।
२०८१ भदौ २५ गते बसेको बैंक सञ्चालक समितिको बैठकको निर्णय र बैंक तथा वित्तीय संस्था सम्बन्धी ऐन, २०७३ अनुसार सदस्य मैनालीले पद तथा गोपनियताको शपथ लिइसकेका छन् ।
