स्ट्यान्डर्ड चार्टर्ड बैंकले २५.५ प्रतिशत लाभांश दिने
काठमाडौं, २५ मंसिर । स्ट्यान्डर्ड चार्टर्ड बैंक नेपालले लाभांश घोषणा गरेको छ । बैंकको ३८औं वार्षिक साधारण सभाले १९ प्रतिशत नगद लाभांश र ६.५ प्रतिशत बोनस सेयरको प्रस्ताव पारित गरेको हो।
आर्थिक वर्ष २०८०/८१ मा बैंकको सञ्चालन नाफा चार अर्ब ७० करोड रूपैयाँ थियो। बैंकको खुद मुनाफा तीन अर्ब ३० करोड रूपैयाँ थियो भने प्रतिसेयर आम्दानी ३४ रूपैयाँ ७० पैसा थियो।
बैंकमा स्ट्याण्डर्ड चार्टर्ड समूहको ७०.२१ प्रतिशत र सर्वसाधारणको २९.७९ प्रतिशत सेयर स्वामित्व छ।
