सिंगटी जलविद्युतले ४३ करोड ५० लाख रुपैयाँको प्राथमिक निष्कासन गर्ने
काठमाडौं, ३१ असार । सिंगटी जलविद्युत कम्पनीले प्राथमिक शेयर निष्कासनको लागि गर्ने भएको छ । जसका लागि कम्पनीले सिभिल क्यापिटल मार्केटसंग सम्झौता गरेको छ । उक्त सम्झौता पत्रमा कम्पनीको तर्फबाट कार्यकारी निर्देशक गणेश कार्की र सिभिल क्यापिटलको कायम मुकायम प्रमुख कार्यकारी अधिकृत सुमन आर्चायले गरेका हुन् ।
कम्पनीले ४३ करोड ५० लाख रुपैयाँ बराबरको ४३ लाख ५० हजार कित्ता प्राथमिक शेयर निष्कासन गर्ने भएको छ । जसमध्ये आयोजन प्रभावित दोलखा जिल्लाका स्थानियहरुका लागि १४ करोड ५० लाख रुपैयाँको प्राथमिक शेयर छुट्टाइएको छ । यस्तै सर्वसाधारणहरुका लागि बाँकी रहेको २९ करोड रुपैयाँको प्राथमिक शेयर छुट्टाइएको छ ।
कम्पनीले दोलखा जिल्लामा १६ मेगाबाट क्षमताको जलविद्युत आयोजना निमार्ण गर्दै आएको छ ।
