बिमस्टेकका लागि विदेशी पाहुना आउने क्रम सुरु, भोली मन्त्रीस्तरीय बैठक
काठमाडौं, १२ भद्रौ । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमष्टेक) सम्मेलनमा विदेशी पाहुना आउने क्रम सुरु भएको छ । विदेशी पाहुना आउन थालेसँगै काठमाडौंको सुरक्षा व्यवस्था पनि कडा पारिएको छ ।
भदौ १४ र १५ गते काठमाडौंमा आयोजना हुन लागेको शिखर सम्मेलनमा भाग लिन सोमवार सदस्य राष्ट्रका सचिवहरू काठमाडौं आइसकेका छन् ।
मन्त्रीस्तरीय बैठकको एजेण्डा तय आज सचिवस्तरीय बैठक हुनेछ । आजै सदस्य राष्ट्रका विदेशमन्त्रीहरू पनि आउने कार्यक्रम रहेको परराष्ट्र मन्त्रालयले जनाएको छ । भोली विदेशमन्त्री स्तरीय बैठक बस्ने छ । बैठकले सम्मेलनको एजेण्डाको मस्यौदा तय गर्ने छ ।
मन्त्रालयका अनुसार राष्ट्रप्रमुख तथा सरकार प्रमुखहरू १३ गते साँझ र १४ गते बिहानसम्ममा नेपाल आउइ सक्ने कार्यतालिका रहेको छ ।
सम्मेलनमा सहभागी हुन भारतका प्रधानमन्त्री नरेन्द्र मोदी, बङ्गलादेशकी प्रधानमन्त्री शेख हसिना , श्रीलङ्काका राष्ट्रपति मैत्रीपाला सिरिसेना, थाइल्याण्डका प्रधानमन्त्री प्रायुत चानओचा, म्यानमारका राष्ट्रपति विन मिन्त र भुटानका प्रधानमन्त्री छिरिङ तोब्गे काठमाडौं आउदै छन् ।र
