‘नयाँ विद्रोहको तयारीमा छु’ : प्रचण्ड

‘नयाँ विद्रोहबाट प्रतिगामीहरूलाई परास्त गर्नुपर्छ। यो मेरो प्रतिबद्धता हो र म यसको तयारीमा छु,’ प्रचण्डले भने। उनले आफ्नो राजनीतिक यात्रा जनयुद्धदेखि शान्ति प्रक्रियासम्म आइपुग्दा अब अर्को सङ्घर्ष अपरिहार्य भएको बताए।

प्रचण्डले पार्टीले चाँडै नै ‘मध्यपहाडी अभियान’ चलाउने जानकारी दिए। यस अभियानअन्तर्गत शहीद परिवारका घरघरमा पुगी उनीहरूको पीडा सुन्ने र श्रमिक वर्गसँग जोडिने काम गरिनेछ।

पूर्वप्रधानमन्त्री प्रचण्डले आफ्नो कार्यकालमा जनयुद्ध दिवसलाई राष्ट्रिय दिवस घोषणा गर्ने निर्णय गरिए पनि अदालतको आदेशका कारण रोकिएको स्मरण गरे। उनले प्रतिगामी शक्तिहरूले राजनीतिक षड्यन्त्र मात्र नभई क्रान्तिकारी इतिहास मेट्ने प्रयास गरिरहेको आरोप लगाए।