छैठौं फर्निचर तथा फनिर्सिङ एक्स्पो, ‘फर्नेक्स २०१८’ को तयारी अन्तिम चरणामा
काठमाडौं, २६ भदौ । छैठौं फर्निचर तथा फनिर्सिङ एक्स्पो, ‘फर्नेक्स २०१८’ को तयारी अन्तिम चरणामा पुगेको छ । एक्स्पोको आयोजक नेपाल फर्निचर तथा फर्निसिङ संघ रहेको छ । असोज ४ गतेदेखि ८ गतेसम्म संचालन हुने एक्स्पोमा स्वदेशी तथा विदेशी गरी १ सय बढी फर्निचर र फर्निसिङ सामाग्रीको स्टल रहने छन् ।
एक्सपोमा ख्याती प्राप्त नेपाली तथा अन्तराष्ट्रि ब्राण्डका फर्निचरहरुको वृहत प्रदर्शनी रहने बताइएको छ । उक्त अवसरमा नजिकिदै गरेको चाडपर्वलाई ध्यानमा राखेर स्टक क्लिेरेन्सका साथै दशैं अफरका साथ फर्निचर तथा फर्निसिङका कसामानहरु विक्रि वितरण समेत हुने आयोजकले जनाएको छ ।
एक्सपोमा प्रदर्शनीको अतिरिक्त अवलोकर्ताहरुलाई लक्की ड्र मार्फत आकर्षक उपहार समेत वितरण गरिने छ । यस्तै प्रदर्शनी स्थलमा नै वास्तुशास्त्रका साथै इण्टिेरियर डिजाइन सम्बन्धी परामर्श समेत लिन पाइनेछ । रोबोटिक प्रतिस्पर्धा पनि एक्सपोको अर्को आकर्षण हुने आयोजकले जानकारी दिएको छ ।
फर्नेक्स २०१८को टाइटल स्पोन्सर जेम फ्लोरिंग रहेको छ । एक्स्पोको मुख्य प्रायोजक सिमल डेकोर, यती फ्लोरिंग, ग्लेन र डिलाइट रहेका छन् । एक्स्पोको छैठौं संस्करणको व्यवस्थापक इभेण्ट सोलुसन प्रा.लि. रहेको छ भने यो एक्स्पोलाई नेपाल उद्योग वाणिज्य महासंघ, नेपाल चेम्बर अफ कमर्श तथा नेपाल फर्निचर तथा फर्निसिगं व्यवसायी महासंघले प्रवद्र्धन गरेका छन् ।
किचन, बेडरुम, बाथरुमका साथै आउटडोर फर्निचर, इण्टेरियर डिजाइनर, कार्पेट, मार्बल लगायत सामाग्री प्रदर्शनीको मुख्य आकर्षण रहने छन् । यसैगरि कार्पेट, पर्दा, म्याटे«स, डेकोरेशन सामाग्री, होम डेकोर, अफिस फर्निचर, होम अप्लाइन्सेज, मेशिनरी औजारका साथै वास्तुसँग सम्बन्धित उत्पादन प्रदर्शनीको आकर्षण बन्ने आयोजकले जनाएको छ ।
