मोदीद्वारा इन्दिरा र लक्ष्मीबाईलाई श्रद्धाञ्जली: इतिहासप्रति सम्मान
काठमाडाैं, ३ मंसिर । भारतका प्रधानमन्त्री नरेन्द्र मोदीले बुधबार भारतकी पहिलो महिला प्रधानमन्त्री इन्दिरा गान्धीको १०८औँ जन्मजयन्तीका अवसरमा श्रद्धाञ्जली व्यक्त गरेका छन्। “पूर्व प्रधानमन्त्री श्रीमती इन्दिरा गान्धीजीलाई उनको जन्मजयन्तीमा श्रद्धाञ्जली,” प्रधानमन्त्री मोदीले सामाजिक सञ्जाल ‘एक्स’ मा लेखेका छन्।
सन् १९१७ नोभेम्बर १९ मा पण्डित जवाहरलाल नेहरू र कमला नेहरूको घरमा जन्मिएकी इन्दिरा गान्धीले सन् १९६६ देखि १९७७ र १९८० देखि १९८४ मा हत्या हुनेसम्म दुई कार्यकाल गरी भारतको पहिलो तथा एकमात्र महिला प्रधानमन्त्रीका रूपमा नेतृत्व गरिन्। ३१ अक्टोबर १९८४ मा आफ्नै दुई सुरक्षा गार्डद्वारा गोली हानी हत्या गरिएकी उनको निधनपछि भारतका धेरै ठाउँमा विरोध तथा हिंसात्मक घटना भएका थिए।
प्रधानमन्त्री मोदीले त्यस्तै रानी लक्ष्मीबाईको १९७औँ जन्मजयन्तीमा पनि श्रद्धाञ्जली अर्पण गर्दै देशको स्वतन्त्रता संघर्षमा उनले देखाएको वीरता आजसम्म प्रेरणा भएको उल्लेख गरेका छन्। “आमाभूमिको गौरवको रक्षा गर्दै आफ्नो जीवन अर्पण गर्ने महामानवी रानी लक्ष्मीबाईलाई जन्मजयन्तीमा मेरा श्रद्धाञ्जली। उनको वीरता आज पनि देशवासीको मनमा उत्साह जगाउँछ,” मोदीले एक्समा लेखेका छन्।
कांग्रेस नेता राहुल गान्धी, सोनिया गान्धी, अध्यक्ष मल्लिकार्जुन खड्गे लगायतका नेताहरूले पनि दिल्लीको शक्ति स्थल पुगेर इन्दिरा गान्धीलाई श्रद्धाञ्जली अर्पण गरेका छन्।
इन्दिरा गान्धी भारतका दोस्रो दीर्घकालीन प्रधानमन्त्री थिइन्। बैंक राष्ट्रियकरण, राजपरिवारका प्रिभी पर्स हटाउने जस्ता सामाजिक–आर्थिक सुधारका लागि उनी चर्चित छिन्। बाल चरखा सङ्घ र वानर सेना जस्ता अभियानमार्फत उनी सानै उमेरदेखि स्वतन्त्रता आन्दोलनमा सक्रिय थिइन्।
विश्वकै प्रभावशाली नेतृका रूपमा चिनिनैकी इन्दिरा गान्धीको हत्या ‘अपरेशन ब्लू स्टार’पछि भएको थियो, जसअन्तर्गत भारतीय सेनाले अमृतसरको स्वर्ण मन्दिरमा शरण लिएका अलगाववादी समूहविरुद्ध कारवाही गरेको थियो।
