चिनीको मूल्य प्रतिकेजी ६३ रुपैंया कायम राख्न लेखा समितिको निर्देशन

काठमाडौं, १९ असोज । संसद्को सार्वजनिक लेखा समितिले चिनीको मूल्य मनपरी ढंगले वृद्धि हुँदा पनि सरकार मूकदर्शक बसेको भन्दै चिनीको मूल्य ६३ रुपैँया प्रतिकेजी कायम गर्न सरकारलाई निर्देशन दिएको छ । विश्व बजारमा चिनीको मूल्य घट्दै गएपनि नेपालमा भने सरकारले आयातमा परिमाणात्मक बन्देज लगाएपछि व्यापारीहरुले आफूखुसी मूल्य बढाउन थालेका छन् । धेरै चिनी खपत हुने चाडपर्वको समयमा चिनीमा प्रतिकिलो १५ रुपैँया मूल्य बढाइएको छ ।
सरकारले आयातीत सस्तो चिनीका कारण स्वदेशी उद्योगका उत्पादनले प्रतिस्पर्धा गर्न नसकेको भन्दै चिनी आयातमा परिमाणात्मक बन्देज लगाएको थियो । यो वर्षका लागि एक लाख टन आयातको कोटा तोकिएकोमा सो भन्दा बढी परिमाणात्मक बन्देज लगाउनु पहिल्यै आयात भैसकेको बताइएको छ । स्वदेशी चिनी उद्योगीको दबाबमा सरकारले पहिले चिनी आयातमा भन्सार दोब्बर गरी ३० प्रतिशत पुर्याएको थियो । त्यसले पनि आयात निरुत्साहीत नभएपछि स्वदेशी चिनी उद्योगीसँग मूल्य ६३ रुपैँया प्रतिकेजी नबढाउने शर्तमा परिमाणात्मक बन्देज लगाएको सरकारी अधिकारीहरु बताउँछन् । तर, सरकारले परिमाणात्मक बन्देज लगाएपछि चिनीको कृत्रिम मूल्यवृद्धि गरी लाभ उठाउने ध्याउन्नमा व्यापारीहरु लागेका छन् ।

Leave a Reply

Your email address will not be published. Required fields are marked *