साता सेयर बजार : ५.४१ अंकको गिरावट
काठमाडौं, १० कात्तिक । सेयर बजारमा यो साता निकै उत्तार चढाव देखियो । पाँच कारोबार दिनमा दुई कारोबार दिन बजार बढेपनि तीन कारोबार दिन बजार घटेको थियो ।
पहिलो दिनको तुलनामा अन्तिम दिन बजार ५.४१ अंकले घटेको छ । पहिलो दिन आइतबार सेयर बजार ४.८९ अंकले बढेको थियो भने १४ करोड रुपैयाँ बराबरको सेयर कारोबार भएको थियो । साताको दोस्रो दिन १.९८ अंक, तेस्रो दिन २.७० अंकले घटेको थियो । बुधबार भने ८.०९ अंकले बढेको बजारमा २३ करोड रुपैया बराबरको कारोबार भएको थियो । त्यसैगरी अन्तिम दिन विहिबार बजार ८.८२ अंकले घटेको थियो । सो दिन २७ करोड रुपैया बराबरको सेयर कारोबार भएको थियो ।
यसै गरि यो साता कारोबार रकमको आधारमा प्रभु बैंक सबै भन्दा अग्र स्थानमा रहेको छ भने बजार पुँजीकरणको आधारमा नेपाल दुरसञ्चार कम्पनी पहिलो स्थानमा रहेको छ । त्यसै गरि नबिल बैंक दोस्रो स्थानमा रहेको छ भने बजार पुँजीकरणको आधारमा तेस्रो स्थानमा यो सातानेपाल इन्भ्ेष्टमेन्ट बैक रहेको छ ।
यो साता नेप्सेमा सुमित लघुवित्त वित्तिय संस्थाको २ लाख ५० हजार बोनस पनि सुचीकृत भएको छ । सुमित लघुवित्त वित्तिय संस्थाको ८ हजार ४ सय ४० कित्ता हकप्रद शेयर पनि सुचीकृत भएको छ ।
