बजारमा तिहारको चहल पहल, पसलै पिच्छे मूल्य बृद्धि गरेको उपभोक्ताको गुनासो

दिलु कार्की काठमाडौं, १८ कात्तिक । हिन्दु नेपालीहरुको दोस्रो महान चाड तिहार नजिकिदै गर्दा बजारमा सामान किन्नेहरुको भिडभाड बढ्न थालेको छ । विशेष गरि काठमाडौं उपत्यकाको असन, भोटाहिटी, न्यूरोड, इन्द्रचोक लगायत अन्य मुख्य बजारमा तिहारका लागि आवश्यक सामान किन्ने उपभोक्ताहरुको भिडभाड देखिन्छ ।

उज्यालोको पर्वको रुपमा समेत लिइने तिहारमा मैनबत्ती, इलेक्ट्रिक बत्ति देखि तामाको भाडा, मिठाई, भाइमसला र सुनका गरगहराको कारोबार बढी हुने गरेको छ । धेरै सामान खरिद हुने यो बेला व्यापारीहरुले पसलै पिच्छे मूल्य बृद्धि गरेको उपभोक्ताको गुनासो छ ।
तर व्यापारीहरु भने यो बर्ष डलरसँग नेपाली मुद्रा कमजोर हुँदा र सरकारले करको दरमा बृद्धि गरेको प्रभाव स्वरुप अन्य मुलुकबाट आयातित सामानको मुल्य केही बढ्न गएको बताउछन् ।

हरेक वर्ष चाडपर्वका बेला उपभोक्ताहरु चर्को मूल्य तिरेर सामान खरिद गर्न बाध्य हुन्छन् । बजारमा व्यापारीहरुले मनोमानी मूल्य बृद्धि गर्दा पनि सरकार मुकदर्शक बन्दा चाडपर्व मनाउनै गाह्रो हुने गरेको उपभोक्ताको गुनासो छ ।

तिहारमा भाइमसालाको रुपमा प्रयोग गरिने काजु प्रतिकेजी १६ सय रुपैयाँ, बदाम १४ सय रुपैयाँ, किसमिस ६ सय रुपैयाँ, छोगडा २ सय र ओखर ७ सय रुपैयाँमा किनबेच भइरहेको छ । नेपालमा छिमेकी मुलुक भारत र चीन सहित बेलायत, इटाली लगायतका मुलुकहरुबाट समेत तिहारका लागि आवश्यक सामानको आयात हुने गरेको व्यवसायीहरु बताउछन् । स्थानीय उत्पादनले माग धान्न नसक्दा तिहारका सामाग्रीमा मात्र अवौ रुपैयाँ बाहिर जाने गरेको छ।

Leave a Reply

Your email address will not be published. Required fields are marked *