एक साता स्थिर रहेको सुनको मूल्य आज एक हजारले घट्यो
काठमाडौं, २५ कात्तिक । तिहार सकिएपछि सुनको मूल्यमा पनि गिरावट आएको छ । तिहार भर प्रतितोला ६० हजार रुपैयाँमा कारोबार भएको सुन आज एक हजार रुपैयाँले घटेर तोलाको ५९ हजार रुपैयाँमा कारोबार भइरहेको छ ।
कात्तिक १४ देखि २० गते सम्म सुनको मूल्य स्थिर रहेको थियो । त्यस्तै चाँदीको मूल्यमा पनि आज तोलाको १५ रुपैयाँले घटेर ७ सय ३० रुपैयाँमा कारोबार भइरहेको नेपाल सुनचाँदी महासंघले जनाएको छ ।
व्यवसायीहरुमा अनुसार धनतरेसका दिन ४० किलो सुन र ५० किलो चाँदीको व्यापार भएको थियो ।
