Date

मङ्ल, असार ११, २०८१
Tue, June 25, 2024

वाइडबडी जहाज खरिद गरेर ल्याएको निगमको दाबी, छानविन गर्न समिति गठन

वाइडबडी जहाज खरिद गरेर ल्याएको निगमको दाबी, छानविन गर्न समिति गठन

काठमाडौं, ८ मंसिर । नेपाल वायुसेवा निगमको ‘वाइडबडी’ जहाज खरिदबारे प्रतिनिधिसभाको अन्तर्राष्ट्रिय सम्बन्ध समितिले पनि चासो देखाएको छ । समितिले शुक्रबार संस्कृति, पर्यटन तथा नागरिक उड्डयनमन्त्री रवीन्द्र अधिकारीसहित सरोकारवालाहरु बोलाएर छलफल गरेको छ ।

मन्त्री अधिकारीले वाइडबडी जहाज खरिद प्रक्रियाको सम्पूर्ण कागजात २४ घन्टाभित्र समितिलाई उपलब्ध गराउने बताएका छन् । समितिमा सांसदहरुले खरिद प्रक्रियाको सम्पूर्ण कागजात उपलब्ध गराउन माग गरेसँगै पर्यटनमन्त्री अधिकारीले विवरण उपलब्ध गराउन निगम अधिकारीहरुलाई निर्देशन दिए ।

दुईवटा एअरबस निगमले किनेरै ल्याएको र तिनको स्वामित्व पनि निगमसँगै भएको दाबी पनि मन्त्री अधिकारीले गरे ।

त्यस्तै निगमका प्रबन्ध निर्देशक सुगतरत्न कंसाकारले दुई कम्पनीबीच भएको सम्झौता सार्वजनिक गर्न नहुने भन्दै आएपनि मन्त्री र सांसदहरुको चर्को दबाबपछि सम्झौतालगायत कागजात उपलब्ध गराउने बताए ।

समितिले छानबिन गर्न उपसमिति पनि बनाएको छ । कांग्रेस सांसद प्रकाशमान सिंहको संयोजकत्वमा गठित उपसमितिमा नेकपाका सांसद नारदमुनि राना र संघीय समाजवादी फोरम नेपालकी सांसद रेनुका गुरूङ सदस्य रहेका छन् ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x