Shangrila

यी हुन नवनियुक्त ‘रिजर्भ बैंक अफ इण्डिया’ का गभर्नर दासको चुनौती

काठमाडौं, २६ मंसिर । भारत सरकारले केन्द्रीय बैंक ‘रिजर्भ बैंक अफ इण्डिया’ को गभर्नरमा शक्तिकान्त दासलाई नियुक्त गरेको छ । तत्कालिन गभर्नर ऊर्जित पटेलले राजिनामा दिएसँगै सरकारले नयाँ गभर्नर नियूक्त गरकेो हो । दास अर्थमन्त्रालयका आर्थिक मामिला विभागका पूर्व सचिव समेत हुन ।

आगामी तीन वर्षका लागि उनले केन्द्रीय बैंकको प्रमुखका रुपमा पदभार सम्हाल्नेछन् । सरकार र आरबीआईबीच खिचातानी भइरहेको, घरेलु अर्थतन्त्र सुस्ताएको र कयौं अनिश्चयले विश्व अर्थतन्त्र घेरिएको समयमा दासले रिजर्भ बैंकको जिम्मा पाएका छन् । तर उनको लागि यो जिम्मेवारी बहन सहज भने नहुने देखिएको छ ।

जानकारहरुका अनुसार दास सामु अहिले रहेको सबैभन्दा ठूलो चुनौती भनेको आरबीआईको साख जोगाउने नै हो । व्यक्तिगत कारण देखाएर पटेलले राजिनामा दिएको बताएका छन् । तर सरकारसँगको खिचातानी नै उनको राजिनामाको मुख्य कारण भएको बताइएको छ। यस्तो अवस्थामा दास सामु छिट्टै सरकारसँगको खिचातानी हटाएर केन्द्रीय बैंकको स्वायत्तता सुनिश्चित गर्नु पर्ने चुनौती छ ।

आफ्नो कार्यकालमा घरेलु र विश्व अर्थतन्त्रको आँकलन गरे मौद्रिक नीति निर्धारण गर्न र केन्द्र सरकारसँग सामञ्जस्य स्थापित गर्नु पनि दासको अर्को चुनौती हो । पछिल्लो समय आरबीआई नीतिगत ब्याजदर विस्तारै बढाइरहेको छ । यसको परिणामस्वरुप सरकारी बैंकलाई कर्जा लिन र दिन अलि अप्ठ्यारो भइरहेको छ । यसले अर्थतन्त्रमा पनि प्रभाव पारेको छ । बैंकको एनपीए सुधार्न नीति ल्याउनु पनि दासको अर्को चुनौती हो । त्यस्तै दास सामु अर्को चुनौती महँगी नियन्त्रण हो ।

हालै विश्व बजारमा कच्चा तेलको भाउमा आएको कमीसँगै भारतमा पनि दैनिक उपभोग्य इन्धन सस्तो भएको थियो । योसँगै मुद्रास्फीति पनि घटेको छ । तर प्रमुख तेल उत्पादक राष्ट्रहरुले गरेको उत्पादन कटौतीपछि विस्तारै अन्तरराष्ट्रिय बजारमा कच्चा तेलको मूल्य बढ्ने निश्चित छ । यस्तोमा महँगीलाई नियन्त्रणमा राख्नु पनि अर्को ठूलो चुनौती हुने अनुमान गरिएको छ ।
(भारतीय संचार माध्यमको सहयोगमा तयार)

 

Laxmi Bank

 

Leave a Reply

Your email address will not be published. Required fields are marked *