लगानीकर्ताले सेयर खरिद नगर्न आह्वान गरेको दिन बजारमा दोहोरो अंकको बृद्धि, ४२ करोडको कारोबार
काठमाडौं, २ पुस । सोमबार सेयर बजार १५. १७ अंकले बढेर ११८२.८७ को बिन्दुमा उक्लिएको छ। सेयर कारोबार नगर्न अपिल गर्दै केही लगानीकर्ताहरुले आमरण अनसन थालेको दिन बजारमा उल्लेख्य सुधार देखिएको हो ।
ब्यापार बाहेक अरु सबै समूहको परिसूचक सो दिन उकालो लागेको छ । ब्यापार समूहको परिसूचक ३.०४ अंकले घटेको छ । नीर्जिवन बीमा समूहको परिसूचक २२०.५१ अंक, जीवन बीमा समूहको १९५.९६ अंक, माइक्रोफाइनान्स ४०.२१ उत्पादन तथा प्रशोधन २३.२१ अंकले बढेको छ ।
सय ५९ कम्पनीको ४२ करोड रुपैयाँ भन्दा बढीको सेयर कारोबार भएको थियो । जसमा छिमेक लघुवित्त विकास बैंकको सबैभन्दा कारोबार भएको छ। त्यस्तै मिरमिरे लघुवित्त वित्तिय संस्थाका लगानीकर्ताले सबैभन्दा धेरै कमाएका छन् भने कालिका पावर कम्पनीका लगानीकर्ताले सबैभन्दा धेरै गुमाएका छन् ।
