मुक्तिनाथ विकास बैंकले १३ औं बार्षिकोत्सव विभिन्न कार्यक्रम गरि मनाउदै
काठमाडौं, २० पुस । मुक्तिनाथ विकास बैंकले विभिन्न कार्यक्रम गरि १३ औं वार्षिकोत्सव मनाई रहेको छ ।
बैंकले बार्षिकोत्सवको अवसर पारेर शुक्रबार (आज) सामाजिक उत्तरदायित्व कार्यक्रम अन्तर्गत ललितपुरको कुपण्डोल शाखाले ललितपुर बजार तथा टोलमा डस्टबीन, मोरङ्गको उर्लाबारी शाखाले नमुना बालगृहलाई सरसफाईको सामाग्री प्रदान गरेको छ । त्यस्तै आजै नवलपरासीको दलदले शाखाले कालिका माविलाई खेलकुद सामाग्री वितरण र केन्द्रिय कार्यालय काठमाण्डौंले कार्यालय परिसरमा वृहत रक्तदान कार्यक्रम पनि संचालन गरेको थियो ।
बार्षिकोत्सवको अवसरमा बैंकले साताव्यापी विभिन्न कार्यक्रम गरिरहेको छ। कार्यक्रम पुस २२ गते सम्म जारी रहने बताइएको छ ।
