जनता बैंकले शैक्षिक गुणस्तर अभिबृद्धिका लागि टिफ फर नेपालसँग सहकार्य गर्ने

काठमाडौ २० माघ । जनता बैंक नेपालले शैक्षिक गुणस्तर अभिबृद्धिको लागि टिच फर नेपालसँग सहकार्य गर्ने भएको छ । बैंकले संस्थागत सामाजिक उत्तरदायित्व अन्तर्गत टिच फर नेपाललाई बार्षिक ५ लाख रुपैयाँ सहयोग गर्ने सम्झौता गरेको हो । उक्त सम्झौतामा बैंकका नायब प्रमुख कार्यकारी अधिकृत अजय कुमार मिश्र र टिच फर नेपालका प्रमुख कार्यकारी अधिकृत शिशिर खनालले हस्ताक्षर गरेका छन् ।

टिच फर नेपालले ग्रामिण क्षेत्रमा रहेका सरकारी विद्यालयमा फेलो शिक्षकहरु खटाई शैक्षिक असमानता घटाउने कार्यमा सहयोग गर्दै आएको छ । हाल टिच फर नेपालले सिन्धुपाल्चोक, ललितपुर, धनुषा, लमजुङ, दाङ र पर्साको ग्रामिण क्षेत्रका ५१ विद्यालयमा ११० जना फेलो (प्रशिक्षार्थी) शिक्षकहरु मार्फत करिव १० हजार विद्यार्थीहरुको शैक्षिक गुणस्तर अभिबृद्धि कार्य गरिरहेको जनाइएको छ ।

Leave a Reply

Your email address will not be published. Required fields are marked *