India VS Pakistan
काठमाडौंं २६ माघ । नेपाल व्यवस्थापन संघको ३८ औं राष्ट्रिय व्यवस्थापन अधिवेशन तथा वार्षिक साधारण सभा हुने भएको छ । काठमाडौंको होटल याक एन्ड यतिमा माघ २९ गते अधिवेशन तथा वार्षिक साधारण सभा हुने भएको हो । अधिवेशनमा महासचिवको प्रतिवेदन प्रस्तुत तथा छलफल, कोषाध्यक्षको प्रतिवेदन प्रस्तुत तथा छलफल र विधान संशोधन माथि छलफल हुने जनाईएको छ ।
२०३७ सालमा स्थापना भएको संघले स्थापनाकाल देखि नै तालिम, अध्ययनरअनुसन्धान, पूर्वबजेट छलफल, पोष्ट बजेट छलफल, मौद्रिक नीतिम छलफल जस्ता कार्यक्रम गर्दै आएको छ । माघ २९ गते हुने अधिवेशन तीन चरणमा सम्पन्न हुने बताइएको छ । कार्यक्रमको प्रधानमन्त्री केपी शर्मा ओलीले उद्घाटन गर्नेछन भने अधिबेशनको पहिलो चरणमा अर्थमन्त्री युवराज खतिवडाको सहभागितामा म्यानेजिङ इन्फ्रास्टक्चर डेभलपमेन्ट एण्ड इट्स फाइनान्सिङ विषयमा कार्यपत्र प्रस्तुति र छलफल गरिने छ ।
कार्यपत्र आधारभूत विशेषज्ञहरु कमलराज पाण्डे, सरोजकुमार प्रधान र ज्योतिप्रसाद लोहनी लगायतले प्रस्तुत गरि त्यसमा छलफल हुनेछ । यस्तै दोस्रो सत्रमा संघको ३८ औ बार्षिक साधारणसभा हुनेछ भने तेस्रो सत्रमा प्रधानमन्त्री केपी शर्मा ओलीको सहभागितामा म्यानेजमेन्ट अवार्ड वितरण हुने बताइएको छ ।
