मिस नेपाल २०१९ का लागि आवेदन खुला, इच्छुकले मार्च २१ सम्म आवेदन दिन सक्ने

काठमाडौं, १२ फागुन । मिस नेपाल २०१९ का लागि आवेदन खुला गरिएको छ । आइतबार राजधानीमा मिस नेपालको आयोजक संस्था दी हिडन ट्रेजरले पत्रकार सम्मेलनको अयोजना गरि आवेदन खुला गरिएको जानकारी दिएको हो ।


इच्छुकले मार्च २१ तारिख सम्म मिस नेपालको आधिकारीक वेबसाइडमा गएर आवेदन दिन सक्ने छन् । आवेदकले नेपाली नागरिकता वा पासपोर्ट, २० बर्ष देखि २४ बर्ष ननाघेको ५.४ ईन्च उचाई भएका अविवाहित युवतीहरुले आवेदन दिन सक्ने जनाइएको छ ।


प्रतियोगिताको अडिसन काठमाडौ देखि बाहेक धरान, बिराटनगर, पोखरा, वुटवल, नेपालगन्ज, चितवन लगायत अन्य स्थानहरुमा पनि हुने बताइएको छ । फाइनल भने आगामी मे ९ मा हुने छ ।


यो वर्ष नेपालमा मिस नेपाल प्रतियोगिता सुरु भएको २५ औ बर्ष पुरा हुने भएकाले यो पटकको मिस नेपाल प्रतियोगिता गत बर्षहरुको तुलनामा फरक हुने दी हिडन ट्रेजरका अध्यक्ष गोपाल सुन्दरलाल कक्षपतिले जानकारी दिए । २५ औ बर्ष सम्म आईपुग्दा मिस नेपाल आयोजकलाई सहयोग गर्ने संघ, सस्थाहरुको संख्यामा उल्लेख्य वृद्धि भएको भन्दै उनले सहयोगि सबैहरुलाई धन्यवाद पनि दिए ।

Leave a Reply

Your email address will not be published. Required fields are marked *