एडीबीले नेपालसँग प्रतिवद्धता गरेको मध्ये आधा रकम पनि खर्च भएन,परियोजना कार्यान्वयनमा सुधारको खाँचो

काठमाडौं, २५ फागुन । एसियाली विकास बैंक (एडीबी) ले प्रतिबद्धता गरेको ४१ प्रतिशत रकम मात्र खर्च भएको छ । एडीबीले शुक्रबार सन् २०१८ को ‘कन्ट्री पोर्टफोलियो रिभ्यु’ गर्दै यस्तो जानकारी दिएको हो ।

एडीबीले ०१८ मा ५९२ मिलियन अमेरिकी डलर अर्थात हालको विनिमय दरअनुसार ६७ अर्ब ४८ करोड ८० लाख रुपैयाँ नेपाललाई उपलब्ध गराउने प्रतिबद्धता जनाएको थियो । यसमध्ये ४ सय ४७ मिलियन डलरको टेन्डर गर्ने लक्ष्य थियो । तर ३६८ मिलियन डलरको मात्रै टेन्डर भयो । जुन प्रतिबद्धता रकमको ६२.१६ प्रतिशत मात्रै हो ।

प्रतिबद्धतामध्ये ४१.५ प्रतिशत अर्थात् २४६.७ मिलियन डलर अर्थात हालको विनिमय दरअनुसार २८ अर्ब १२ करोड ३८ लाख रुपैयाँ मात्रै खर्च भएको छ । यो रकम ३६ वटा आयोजनामा खर्च भएको हो । आयोजना क्षमता कमजोर हुँदा पूर्वानुमानित रकम खर्च नहुने गरेको भन्दै एडीबीका नेपाल निर्देशक मुख्तोर खामुदखानोभले परियोजना कार्यान्वयनका लागि सुधार आवश्यक रहेको बताए ।

बैंकले यातायात, सहरी विकास र खानेपानी आपूर्ति, ऊर्जा, ग्रामीण सडक, कृषि, प्राकृतिक स्रोतलगायत योजनाका लागि ऋण तथा सहायता उपलब्ध गराउँदै आएको छ ।

Leave a Reply

Your email address will not be published. Required fields are marked *