नेपाल व्यवस्थापन संघले माग्यो उत्कृष्ट प्रबन्धकहरुको मनोनयनका लागि सहभागिहरुको नाम

काठमाडौं, २६ मंसिर । नेपाल व्यवस्थापन संघले म्यानेजर अफ द एयर २०१७ र बोमन म्यानेजर रिकोकनिसन अवार्ड २०१७ को मनोनयनका लागि सहभागिहरुलाई आव्हान गरेको छ ।

यस अवार्डको मनोनयनका लागि संघले पुरुष तर्फमा प्रमुख कार्यकारी अधिकृतको पदमा दुई वर्ष कार्य गरेको हुनु पर्ने प्रावधान राखेको छ । यस्तै महिला तर्फमा भने प्रमुख कार्यकारी अधिकृत वा वरिष्ठ प्रबन्धकमा दुई वर्ष कार्य गरेको हुनुपर्ने बताएको छ । यस अवार्डका लागि नेपालको सार्वजनिक, निजी, गैर सरकारी र नागरिक समाजको क्षेत्रमा कार्यरतहरुले सहभागिता जनाउन पाउने संघले जनाएको छ ।

सहभागिहरुले आगामी पौष २६ गतेसम्ममा आफ्नो नाम दाखिल गरिसक्नुपर्ने संघले जनाएको छ । संघले विगतका केहि वर्ष देखी उत्कृष्ट प्रबन्धकहरुलाई यस अवार्डबाट सम्मान गर्दै आएको छ ।

Leave a Reply

Your email address will not be published. Required fields are marked *