साताको तेस्रो दिन पनि शेयर बजार घट्यो, शेयर बजार तिन दिनमा २६.२९ अंकले ओरालो लाग्यो
काठमाडौं, २६ मंसिर । साताको तेस्रो दिन शेयर बजारमा दोहोरो अंकको गिरावट आएको छ । मंगलाबर शेयर बजारको परिसुचक नेप्से परिसुचक १७.५४ अंकले घटेको छ ।
शेयर बजार खुलेको समयदेखी नै मंगलबार नेप्से ओरालो तर्फ लाग्यो । यसरी ओरालो लाग्ने क्रममा नेप्से परिसुचक १७.५४ अंकले झरेर १५१०.२१ विन्दुमा पुगेको छ । यस साताको पहिलो दिन आइतबारदेखी निरन्तर शेयर बजार ओरालो लागेको छ । यो तिन दिनमा शेयर बजार २६.२९ अंकले झरेको छ । आइतबार ६.०५ अंकले झरेको शेयर बजार सोमबार सामान्य अंक २.७४ अंकले घटेको थियो ।
नेप्से परिसुचक निरन्तर ओरालो लाग्दै गए पनि केहि लगानीकर्ताहरुले कमाएका छन् । घटिरहेको शेयर बजारमा समेत अल्पकालिन लगानीकर्ताहरुले कमाएको शेयर विश्लेषकहरुले बताएका छन् । आज मंगलबार २८ कम्पनीहरुको शेयरलगानीकर्ताहरुले कमाएका छन्् । यता विश्लेषकहरुका अनुसार शेयर बजारले केहि समय यस्तै प्रवृति देखाउने बताएका छन् ।
मंगलबार शेयर बजारमा १५७ कम्पनीहरुको ११ लाख ८० हजार ५६३ कित्ता शेयरको किनबेचबाट ६६ करोड ९२ लाख ११ हजार १८१ रुपैयाँको कारोबार भएको छ । कारोबार रकम हिजाको तुलनामा आज मंगलबार बढेको छ । हिजो सोमबार कारोबार रकम ४५ करोड रुपैयाँको हाराहारीमा रहेको थियो । यस्तै आज ४ कम्पनीहरुको १ करोड ५१ लाख कित्ता शेयर नेप्सेमा सुचिकृत भएका छन् । शेयर सुचिकृत हुने कम्पनीहरुमा नेको इन्स्योरेन्स, हिमालयन जनरल इन्स्योरेन्स, मुुक्तिनाथ विकास बैंक र अल्पाइन डेभलपमेन्ट बैंक हुन् । हिमालयन जनरल इन्स्योरेन्स, मुुक्तिनाथ विकास बैंक र अल्पाइन डेभलपमेन्ट बैंकको हकप्रद शेयरहरु सुचिकृत भएका छन् भने नेको इन्स्योरेन्सको बोनस शेयर सुचिकृत भएका छन् ।
यस्तै मंगलबार शेयर बजारमा उत्पादन समुहको परिसुचक बाहेक अरु सवै समुहगत परिसुचकहरुमा गिरावट आएको छ ।
