लगानी सम्मेलनको तयारी अन्तिम चरणमा, यस्ता छन् लगानीका लागि छनोट परियोजना

काठमाडौं,२ चैत । लगानीको एकआकर्षक गन्तव्यको रुपमा प्रवद्र्धन गर्न सरकारले यहि चैत १५ र १६ गते आयोजना गर्न लागेको लगानी सम्मेलनको तयारी अन्तिम चरणमा पुर्याएको छ ।

लगानी सम्मेलनमा विभिन्न मुलुकका संभावित लगानीकर्ता, अन्तर्राष्ट्रिय वित्तीय संस्थाका प्रतिनिधि, कूटनीतिक नियोग, विकास साझेदार, गैरआवासीय नेपाली संघ, निजी क्षेत्र, विषयविज्ञ, सञ्चार क्षेत्र लगायत गरी करिब ४००जना लगानीकर्ताको सहचागिता सुनिश्त गरेको छ ।

लगानीका लागि कृषिको व्यावसायीकरण, ऊर्जा, सडक, रेल हवाई, औद्योगिक र सूचना प्रविधिका क्षेत्रलाई प्राथमिकतामा  राखिने भएको  छ । सम्मेलनमा नेपालमा लगानीको सम्भावनाका क्षेत्र, लगानी आकर्षित गर्न सरकारले अघि बढाएका नीतिगत, प्रशासनिक एवम् कानुनी सुधारका प्रयास तथा लगानीका तुलनात्मक लाभबारे गहन प्रस्तुति तथा छलफल हुने सरकारले जनाएको छ ।

लगानी बोर्डका प्रमुख कार्यकारी अधिकृत महाप्रसाद अधिकारीले लगानी सम्मेलनकै क्रममा करिब दुइ दर्जन भन्दा बढी प्रोजेक्टमा सम्झौता हुने लगभग निश्चित भएको  बताएका छन् ।  अधिकारीका अनुशार सम्मेलनमा सरकारी र निजी तर्फका गरी ६३ वटा विधिन्न क्षेत्रका परियोजनाहरु प्रदर्शनीमा  राखिने भएको छ ।

लगानी बोर्ड, अर्थ मन्त्रालय, उद्योग वाणिज्य तथा आपूर्ति मन्त्रालय र परराष्ट्र मन्त्रालयको संयुक्त आयोजना र निजी क्षेत्रको सहआयोजनामा लगानी सम्मेलन हुन लागेको हो । यस अघि  २०७३ सालमा पनि नेपाल लगानी सम्मेलन भएको थियो। २०७३ को लगानी सम्मेलनमा करिब १४ खर्ब रुपियाँको प्रतिवद्धता आएको थियो ।

Shangrila

Leave a Reply

Your email address will not be published. Required fields are marked *